филиал вгтрк государственная телерадиовещательная компания “Алания”

Национ проект «Æдас æмæ хæрзхъæд фæндæгтæ» нæ бæстæйы указмæ гæсгæ сног кодтой. Фæлæ йæ рæзты программæ нæ аивта. Проекты сæйраг нысан у æнцонвадат æмæ æдас уавæртæ аразын адæмы цардæн. Уый тыххæй куыстытæ цæуынц Дзæуджыхъæуы æмæ районты уынгты. Фæндæгты хæдзарады комитеты сæрдар Солиты Тариэль куыд бафиппайдта, афтæмæй фæндæгтæ сты республикæйы æддаг бакаст æвдисæг. Сæ рацарæзт æмæ арæзтад та сты æнæмæнг хъæугæ экономикæйы æмæ туризмы къабæзты рæзтæн. Проекты ивддзинæдтæ баст сты регионалон æмæ муниципалон фæндæгтимæ. Уымæй дарддæр комитеты сæрдар загъта, сæ ведомство дзуапп кæй дæтты фæндæгты æдасдзинадæн. Уыимæ стыр æргом здахынц скъолатæм хæстæг территоритæм.