Уый тыххæй Сергей Меняйло загъта Дыгуры æмæ Кировы районтæм кусæг балцы рæстæг
Национ проекттæ сты фыццаджыдæр бакусын кæуыл хъæуы, ахæм хъуыддæгтæ. Ис сæм Уæрæсейы президенты цæстдард æмæ уый тыххæй сæ фæлгæты цы объекттæ аразынц, уыдон хъуамæ сцæттæ уой афойнадыл. Уый тыххæй Сергей Меняйло загъта Дыгуры æмæ Кировы районтæм кусæг балцы рæстæг. Уым бабæрæг кодта социалон арæзтæдты объекттæ. Ставд-Дурты ныртæккæ цæуы Культурæйы хæдзары арæзтад. Уыдзæнис дзы бынат 200 адæймагæн. Ныртæккæ сæххæст кодтой куыстыты 74 проценты. Аив кæнынц агъуыстытæ, æвæрынц ног хъармгæнæнтæ æмæ бырутæ. Контрактмæ гæсгæ хъуамæ объект радтаиккой ацы азы кæронмæ, фæлæ подрядчик куыд загъта, афтæмæй графиккæй фæстейы баззадысты дыууæ къуырийы. Сергей Меняйло загъта, республикæ сын баххуыс кæнынмæ цæттæ кæй у, уый тыххæй. Республикæйы разамонæг фау æрхаста Дигорайы аивæдты скъолайы рацарæзтмæ. Куыд бафиппайдта, афтæмæй сметон документацимæ нæ бахастой зынгсирвæзты ныхмæ сигнализаци æмæ фæдисы дзæнгæрæг. Уайдзæфы аккаг ссис хъармгæнæн дæр. Уымæй уæлдай скъолайы нæ фаг кæны хæдзары дзаума дæр. Районы разамынд æмæ профилон ведомствæтæн бабар кодтой, цæмæй цы аиппдзинæдтæ рабæрæг кодтой, уыдон афойнадыл аиуварс кæной.
