Куыд дзы фæнысан кодтой, афтæмæй абоны онг фыццаградон хæстæн контракттæ скодтой 90%
Национ проекттæ царды уадзыны фарстатыл ныхас цыди хицауады сæрдар Дзанайты Барис разамынд кæмæн лæвæрдта, уыцы æмбырды. Куыд дзы фæнысан кодтой, афтæмæй абоны онг фыццаградон хæстæн контракттæ скодтой 90%. Докладтимæ дзы раныхас кодтой профилон ведомствæты разамонджытæ. Дзанайты Барисы ныхæстæм гæсгæ, хъуыддаг зæрдæхсаинаг нæу, фæлæ йыл хъæуы дарддæр кусын. Афæдзы кæронмæ æппæт нысанон бæрæггæнæнтæ хъуамæ æххæстгонд æрцæуой иууылдæр, объекттæ та лæврæд æрцæуой афоныл. Цæгат Ирыстоны ацы аз æдæппæтæй алывæрсыг паддзахадон программæты фæлгæты аразынц, реконструкци кæнынц æмæ кусæнгæрзтæй бындуронæй ифтонг кæнынц 83 объекты. «Чысыл æмæ астæуккаг амалхъомдзинады, стæй хицæн амалхъомдзинады хъæппæристæн æххуысы» национ проекты фарстаты тыххæй радзырдта экономикон рæзты министр Кучиты Зауыр. Афтæ, ацы аз æххæстгонд æрцæудзысты æртæ регионалон проекты. Фæрæзтæ сын дихгонд æрцæудзæн 40 милуанæй фылдæр. Уымæй уæлдай, дарддæр цæуы социалон амалхъомдзинады реестрыл куыст. Сентябры та конкурсмæ гæсгæ равзардзысты, гранттæ чи райсдзæн, уыдоны. Субсидитæ райсыныл зæрдæ дарæн ис, 25 азы онг кæуыл цæуы, ахæм бизнесментæн.
