Акци «Цингæнгæйæ скъоламæ» бирæсывæллонджын æмæ фæкæсынхъуаг бинонты сабитæн бацæттæ кодта
Ног ахуыры азы агъоммæ фыццæгæмкъласонтæ æмæ райдиан кълæсты ахуырдзаутæ райстой æхсызгон лæвæрттæ. Акци «Цингæнгæйæ скъоламæ» бирæсывæллонджын æмæ фæкæсынхъуаг бинонты сабитæн бацæттæ кодта Ирыстойнаг районы социалон лæггæдты комплексон центр. Ахæм мадзал арæзт æрцæудзæн республикæйы районты дæр.
Цæгат Ирыстоны райдиан кълæсты ахуырдзаутæ акци «С радостью в школу»-йы руаджы райсдзысты ног дзаумæттæ. Таматы Константин бацæудзæн 2-æм къласмæ. Ног ахуыры азы агъоммæ райста ног хызын æмæ канцелярон кусæнгæрзтæ. Уый æхсызгон у канд скъоладзаутæн нæ, фæлæ ма у ахадгæ æххуыс ныййарджытæн дæр.
Акци æххæстгонд цæуы 5 азы дæргъы. Сарæзтой йæ фæллойы æмæ социалон райрæзты министрады хъæппæрисæй. Ацы аз дæр лæвæрттæ ракодтой кадджын мадзал саразгæйæ. Æрбахуыдтой аниматорты. Сывæллæттæ фæхъазыдысты, сæхи фæирхæфстой æмæ уый фæстæ райстой сæ ног дзаумæттæ.
Акцийы архайджытæ сты фæкæсынхъуаг æмæ бирæсывæллонджын бинонтæй сывæллæттæ. Сæ ног дзаумæттæ куы райстой æмæ хуры тынты бынмæ куы фæхъазыдысты, уæд сын байуæрстой сæлдæгтæ.
Ацы аз ахæм акци арæзт æрцыд фыццаг хатт. Скодтой йæ Дзæуджыхъæуы Ирыстойнаг районы. Ног ахуыры азмæ та йæ скæндзысты республикæйы æппæт районты дæр.
