Ныридæгæн рауагътой картофы дыууæ хуызы – «Ирон» æмæ «Фарн», фæлæ ма кусынц дыууæ ног мыггагыл дæр
Хъæууонхæдзарадон культурæты ног мыггæгты хуызтæ аразын. Нырыккон генетикон технологиты лаборатори байгом хæххон паддзахадон аграрон университеты. Ныридæгæн рауагътой картофы дыууæ хуызы – «Ирон» æмæ «Фарн», фæлæ ма кусынц дыууæ ног мыггагыл дæр. Лабораторийы кусыны фадат уыдзæн канд хæххон паддзахадон аграрон университеты студенттæн нæ, фæлæ ма æндæр ахуыргæнæндæтты студенттæн дæр. Цавæр гæнæнтæ байгом сты лабораториимæ, уый тыххæй радзурдзæн нæ уацхæссæг Тъехты Элинæ.
Хæххон паддзахадон аграрон уиверситеты байгом нырыккон генетикон технологиты лаборатори. Йæ руаджы университеты разамындæн йæ бон уыдзæн бæстæйы хуыздæр иртасæн куыстуæтты æмрæнхъ æрлæууын æмæ селекцион – генетикон æрмæджытæ аразын. Иртасæн куыстытæ фенынмæ æрбацыд РЦИ-А-йы Парламенты сæрдар Тускъаты Таймураз.
Наукон иртæстытыл университет архайы 2017-æм азæй фæстæмæ. 2021-æм азы, майы хæххон паддзахадон аграрон университет схорзæхджын кодтой грантæй. Лаборатори дæр уыцы гранты руаджы байгом кодтой.
Университет рауагъта картофы дыууæ хуызы – «Ирон» æмæ «Фарн». Ныридæгæн ма кусынц дыууæ ног мыггагыл.
Селекцион мыггæгты центры программæйы фæлгæты лаборатори сифтонг кодтой хъæугæ кусæнгæрзтæй.
Наукон – иртæстон программæйы ис цалдæр къæпхæны. Уыдон – традицион селекцимæ гæсгæ иртæстытæ, наукон – иртæстон куыстытæ селекциимæ æмæ афтæ дарддæр.
Нырыккон генетикон технологиты лабораторийы руаджы саразæн ис хъæууонхæдзарадон культурæты ног мыггæгты хуызтæ. Уыцы хъуыддаг та хорз уыдзæн канд республикæйæн нæ, фæлæ æппæт Уæрæсейæн дæр.
