13 марта 2024, 12:55
Нырыккон спортивон зал кадджын уавæры байгом кодтой хъæу Иры
Раздæр ахуыргæнæндоны уæвгæ дæр нæ уыд
Нырыккон спортивон зал кадджын уавæры байгом кодтой Горæтгæрон районы хъæу Иры. Раздæр ахуыргæнæндоны уæвгæ дæр нæ уыд. Уымæн æмæ бæстыхайы арæзтады проектмæ хаст не рцыд. Уыцы мгъуыдмæ сывæллæттæн физкультурæйы уроктæ кодтой актон залы. Ныртæккæ та физкультурæйы уроктæ аразынæн ис æппæт æмбæлгæ уавæртæ: аив бæстыхай, спортивон кусæнгæрзтæ, хи найæн æмæ дзаумæттæ ивæн, стæй тренертæн уæттæ. Проект царды рауадзын бантыст, республикæ паддзахадон программæ «Хъæуккаг территориты рæзт»-ы кæй архайы, уый фæрцы. Ацы аз проектмæ гæсгæ, алыхуызон объектты арæзтадæн æмæ цалцæгæн радих кæндзысты 740 милуан сомæй фылдæр.