07 декабря 2022, 11:38
Нывгæнджыты Цæдисы равдыстадон залы байгом Æлборты Барисы сæрмагонд экспозици
Баст у нывгæнæджы 75 азы юбилеимæ
Республикæйы нывгæнджыты Цæдисы равдыстадон залы байгом Æлборты Барисы сæрмагонд экспозици «Аланийы æртæ хуызы». Баст у нывгæнæджы 75 азы юбилеимæ. Автор равæрдта 50 куыстæй фылдæр нывкæнынады техникæйы. Ирыстоны йе сфæлдыстады ахæм стыр экспозици фыццаг хатт байгом. Коллекцийы ис, Барис раздæр кæй скодта, стæй йæ ног куыстытæ дæр. Нывгæнæг кусы абстракционизмы стилы. Куыд зæгъы, афтæмæй йæ уацмысты æвæрд ис гуманизмы хъуыды. Ног фæлгонцтæ аразгæйæ, йе ргом здахы уырыссаг авангарды бынтæм, уæлкурдиат исы, абстрактон нывкæнынады символикæйы традицитæ чи æххæст кæны, уыцы нырыккон не *мбæстон æмæ фæсарæйнаг автортæй. Равдыст ахæсдзæн 19-æм декабрьмæ.
темæмæ гæсгæ