Вернисаж саразыныл бакуыста Алайнаг хæрзаудæн фонд «Дзæнгæрæг»
Цæгат Ирыстоны нывгæнджыты Цæдисы залы байгом Æппæтадæмон аивадон равдыст-конкурс «Святой Георгий Победоносец — покровитель Алании». Вернисаж саразыныл бакуыста Алайнаг хæрзаудæн фонд «Дзæнгæрæг». Хаст æм æрцыдысты Цæгат æмæ Хуссар Ирыстоны, Краснодары крайы, Ростовы облæсты, Адыгейы, Мурманскы облæсты, Мæскуыйы æмæ Санкт-Петербурджы нывгæнджыты куыстытæ. Конд сты алы техникæты: нывкæнынад, графикæ, скульптурæ æмæ æрмдæсныйад. 60 сфæлдыстадон куыстæй фылдæр бахастой конкурсмæ, æмæ баст сты алайнаг историйы æмæ культурæйы сыгъдæг дзуар раргом кæнынимæ. Георгий Уæлахизхæссæджы ном цæуы астæуккаг æнустæй. Нæлгоймæгтыл, æфсæддонтыл æмæ бæлццæттыл аудæгмæ фæлтæрæй-фæлтæрмæ кувынц, æмæ дзы фæкурынц уæларвон æххуыс алы хорз хъуыддæгты. Сыгъдæг дзуар канд дины хъуыддæгты нæу кады аккаг, фæлæ ма нырыккон Аланийы культурон царды дæр.
