филиал вгтрк государственная телерадиовещательная компания “Алания”

Октябрьскæйы арæзт æрцыд спортивон фестиваль «Нарты хъæзтытæ». Архайдтой дзы республикæйы районтæй командæтæ. Æвдыстой сæ тых æмæ цæрдæгдзинад. Спортсментæн бацæттæ кодтой цымыдисаг программæ, стæй бирæ фæлтæртæн уарзон ерыстæ – æрдынæй æхсын, рæттыл хъæбысхæст, бæндæн ивазын, стæй уæхскæй схойын æмæ лæдзæг ивазын. Фыццаг бынат бацахста Горæтгæрон районы командæ, дыккаг – Æрæфы районы спортсментæ, æртыккæгтæ систы – Кировы районы минæвæрттæ. Кæй фæндыд, уыдонæн ма æнæ хыгъдæй сæ бон уыд сæ тыхтæ бавзарын. Æппæтæй зæрдиагдæрæй ерысты бацархайдтой æвзонг лæппутæ æмæ чызджытæ. Фестиваль саразыныл бакуыстой республикæйы фæсивæды хъуыддæгты фæдыл комитет æмæ фæсивæды социализацийы центр.