филиал вгтрк государственная телерадиовещательная компания “Алания”

Октябрьскæйы спортивон-дзæбæхгæнæн комплексы ацыдысты мыггæгты хсæн командæты ерыстæ национ спорты хуызтæй. Ахæм хуызы ерыстæ республикæйы арæзт æрцыдысты фыццаг хатт. Турниры фæлгæты уыди 5 спортивон дисциплинæйы. Дур дардмæ æхсын, чъоппæй хъазын, армхæст, фатæй æхсын, бæндæн ивазын, стæй мыггæгтæн презентаци æмæ сæ хуыздæр минæвæртты тыххæй цыбыр радзырдтæ. Ерысты архайдтой 15 командæйы, алкæцыйыдæр дзы уыди фæйнæ 5 адæймаджы. Уæлахиздзаутæн æмæ призертæн радтой æхцайы лæвæрттæ. Мадзал бацæттæ кодтой проект «Этноспорт хъæбатыртæй – хъæбатыртæм» æххæст кæнгæйæ, æхсæнадон организаци «Ирон Федераци», президенты грантты Фонды æххуысæй.