24 марта 2026, 10:36
Парти «Иугонд Уæрæсе»-йы активисттæ Дзæуджыхъæуы администрацийы ахуырады управленийы минæвæрттимæ сбæрæг кодтой, горæты 106-æм сывæллæтты рæвдауæндоны бындурон цалцæг куыд æххæстгонд цæуы, уый
Куыстытæ райдыдтой 2 мæйы размæ
Парти «Иугонд Уæрæсе»-йы активисттæ Дзæуджыхъæуы администрацийы ахуырады управленийы минæвæрттимæ сбæрæг кодтой, горæты 106-æм сывæллæтты рæвдауæндоны бындурон цалцæг куыд æххæстгонд цæуы, уый. Куыстытæ райдыдтой 2 мæйы размæ. Ныридæгæн райхæлдтой бæстыхайы сæр. Специалистты хъæуы рацаразын æппæт инженерон коммуникацитæ æмæ объекты разуынд. 106-æм рæвдауæндоны хъомылгæнинæгтæ æмæ кусджытæ рæстæгмæ сты æндæр кусæнуатты. Цалцæг фæуыдзæн азы кæронмæ. Объекты модернизаци цæуы партион проект «Нырыккон скъола»-мæ гæсгæ. Ахуырады кусæнуатты бындурон цалцæг у «Иугонд Уæрæсе»-йы адæмон программæйы ахсджиагдæр къабæзтæй иу. Ацы аз аххæсдзæн республикæйы 36 ахуырадон организацийыл.
