Куыстыты хæрзхъæддзинад федтой Хъесаты Колкайы уынджы доныбыл парчы, Московскийы аллейæйы æмæ Архонкæмæ фæзилæны
Парти «Иугонд Уæрæсе»-йы регионалон штабы уæнгтæ бабæрæг кодтой, фарон проект «Городская среда»-йы фæлгæты цы объекттæ рацарæзтой, уыдоны уавæр. Куыстыты хæрзхъæддзинад федтой Хъесаты Колкайы уынджы доныбыл парчы, Московскийы аллейæйы æмæ Архонкæмæ фæзилæны. Мониторинджы рæстæг сбæрæг кодтой, доныбылы парчы импровизацигонд сценæйы штукатуркæ кæй разгъæлд, уый. Регионалон хайады разамонæг Ортабайты Тимур æмæ Дзæуджыхъæуы муниципалон сконды депутат Тыбылты Анатолийæн бастдзинад уыдис горæты администрациимæ. Аипдзинæдтыл хæстæгдæр рæстæг хъуамæ бакусой, чи сæ арæзта, уыдон. «Иугонд Уæрæсе»-йы минæвæрттæ стыр æргом аздæхтой кæртыты аивдзинадмæ. Ивгъуыд дыууæ азмæ республикæйы базылдысты 200 кæртмæ æмæ 50 æхсæнадон территоримæ. Ацы азы кæронмæ ма хъуамæ саив кæной 37 зонæйы æмæ 89 кæрты.
