Не сфæлдыстадон къорд семæ базонгæ хæстæгдæр
Ирд æмæ курдиатджын, арæхстджын æмæ сæ уарзон куыстыл иузæрдион. Патриотон зарæджы æппæтуæрæсеон телевизион марафон-фестивалы финалисттæ сæхи цæттæ кæнынц проекты дыккаг къæпхæнмæ. Не сфæлдыстадон къорд семæ базонгæ хæстæгдæр. Уазæгуаты уыдысты Айларты Элинæмæ, равзæрстой йæ профессионалон жюрийы уæнгтæ, æмæ Гаглойты Аланмæ, ууыл та схъæлæс кодтой адæмы фылдæр хай. Йе нтыстдзинæдты сусæгдзинæдтæ радзырдтой, сæрмагонд приз кæмæн саккаг кодтой, уыцы сфæлдыстадон къорд дæр. Цæмæй проекты архайой, уый тыххæй азарыдысты сæхи фыст зарæг. Бæлвырддæр – Касаты Наирæ.
Ахуырты размæ æнæмæнгæй цæттæгæнæн зæлтæ. Академион вокал хуымæтæг нæу, домы системон куыст æмæ дисциплинæ. Кæй зæгъын æй хъæуы, ам ахсджиаг у тыхджын хъæлæсы уаг, фæлæ æрмæст уый фаг нæу, зонын дзы хъæуы диафрагмæйæ кусын дæр.
Патриотон зарæг «Я люблю тебя, Россия» азарынæн хъæуы тыхджын тембр. Айларты Элинæмæ ис колоратурон сопрано. Чызг ахуыр кæны Гергиты Валерийы номыл аивæдты колледжы. Йæ аккомпаниатор у республикæйы адæмон артситкæ Елена Скалдина. Куыд зæгъы, афтæмæй йæ хъомылгæнинагыл дызæрдыг нæ кодта.
Жюрийы уæнгтæ равзæрстой Элинæйы. Аргъ ын скодтой цалдæр хуызы. Йæ курдиатæн, иттæг хорз профилон ахуырадæн æмæ æппæтæй зæрдиагдæрæй кæй азарыд, уымæн. Элинæ йæхæдæг куыд зæгъы, афтæмæй йæ видео ныффыста æмæ йæ арвыста æппæт фæстаг, æмæ æнхъæл дæр нæ уыди афтæ бирæ адæм ма йыл схъæлæс кæной, уымæн рæстæг уыдзæни, уымæн.
Чызджы ныхæстæм гæсгæ йын йæ зарды хуызыл бирæ зарæггæнджытæ ахадынц – классикон хъæлæстæй райдай, æмæ адæмонтæй фæуы. Уымæй уæлдай Элинæ зары хоры, фæлæ архайы исты хорз миниуджытæ зындгонд эстардон зарæггæнджытæй райсыныл, æмæ алы фадатæй дæр пайда кæны. Бындур сæвæрын кæй зæгъын æй хъæуы ахсджиаг у, фæлæ хъæлæсы зæлды хъыгдарын нæ хъæуы. Йæхæдæг куыд зæгъы, афтæмæй йæ зæрдæмæ æппæтæй тынгдæр кæй зард цæуы, уыдонæй иу у – Пелагея.
Гаглойты Аланыл цæуы æрмæстдæр 12 азы, конкурсы финалистæн бантыст адæмы зæрдæтæм фæндаг ссарын. Раззаг бынатмæ рацыди адæмон хъæлæскæнынады фæрцы. 20 мин адæймагæй фылдæр рахæцыдысты Аланы фарс. Куыд ахуырады, афтæ царды дæр алы хъуыддаг дæр æххæст кæны иттæг хорз. Ацы ерыстæм дæр йæхи бацæттæ кодта бæрнонæй, кæй зæгъын æй хъæуы, æмæ йæ хъомылгæнджыты æххуысæй нæ.
Æрæджы дæр ма бæрнонæй архайдта рог атлетикæйæ, фæлæ ныр фæнд кæны аивадмæ профессионалон æгъдауæй ргом раздахын.
Йæ хæлæрттæ æмæ æмкъласонтæ зæгъынц, федералон къæпхæнмæ кæй æнхъæлмæ кæсынц, уый. Се рдхорды фарс хæццысты дарддæр дæр.
Габойты Максим æмæ йе сфæлдыстадон къорд финалмæ нæ рацыдысты, фæлæ сæхи равдыстой тынг цымыдисагæй. Уымæ гæсгæ, ПТРК «Алани» сфæнд кодта æнæ рхъуыды йæ сæ ма ныууадзын. Æрæджы районы оркестры уæнгты бахъуыди сæ куыст ныууадзын, уымæн æмæ сæм сæ дарддæры архайдæн æхца нал уыди. Командæйы баззадис æрмæстдæр энтузиасттæ. Кæд къорды архайджытæ профессионалон музыканттæ сты, æмæ сæ алкæмæн дæр куыст ис, уæддæр æрæмбырд вæййынц, цæмæй се сфæлдыстад ма мынæг кæна. Ныр дæр конкурсæн музыкæ æмæ ныхæстæ ныффыстой сæхæдæг.
Зарæг афтæ хорз рауади, æмæ жюрийы уæнгтæм афтæ фæкасти, цымæ йæ цалдæр боны нæ, фæлæ цалдæр азы зарыдысты.
Призы хуызы, ныр артистты æрбахондзысты телекомпанимæ æмæ сын студийы скæндзысты профессионалон аудио æмæ видео фыст. Уымæй уæлдай сæ ацы композици, стæй сæ иннæ зарджытæ дæр хъуысдзысты радио «Алани»-йы эфиры.
