Уымæй дарддæр ма æрдзырдтой цалдæр фарстайыл. Се хсæн – нæ республикæйы курдиатджын сывæллæттæн сæрмагонд центр саразын
Курдиатджын сывæллæттæн æххуыс кæнын, æмæ сын сæ гæнæнтæ фылдæр кæнын. Уæлдай æргом математикон æмæ химион-биологон кълæстæм здахын. Уымæй дарддæр æмгуыстады сæрмагонд центртæ саразыныл ныхас цыд Проектон офисы радон æмбырды. Битарты Вячеслав дзы снысан кодта ахсджиагдæр къабæзтæ, цæмæй нæ регион рæза æмæ размæ зынгæ къахдзæфтæ кæна, уый тыххæй. Бæлвырддæр радзурдзæн Фидараты Маринæ.
Проектон офисы радон æмбырды темæ уыд ахуырад. Уымæй дарддæр ма æрдзырдтой цалдæр фарстайыл. Се хсæн – нæ республикæйы курдиатджын сывæллæттæн сæрмагонд центр саразын. Дæнцæгæн æрхастой Сочийы «Сириус». Ныридæгæн бакуыстой объекты проектыл, æмæ йын кæнынц экспертизæ. Фидæны аз бавналдзысты мидæггаг дизайны куыстытæм. Центр царды уадзын райдайдзысты 2022-æм азы. Æмæ уыцы мгъуыдмæ хъуамæ уæм цæттæ, загъта Битарты Вячеслав.
Куратортæ радзырдтой, сæрмагонд кълæсты проекттæ царды куыд уадзынц, уый тыххæй. Афтæ математикæйы къабазы цæуы алы къæпхæнты олимпиадæтæм цæттæгæнæн куыст. Агуырнц курдиатджын сывæллæтты æмæ сыл æмбырд кæнынц базæ. Уыцы иу рæстæг сывæллæтты æвзарынц математикон къордтæм. Сæ фæлтæрддзинад фылдæр кæнынц педагогтæ дæр.
Кæстæртимæ арæзт цæуынц уæлæмхасæн ахуыртæ дæр. Хонынц сæм специалистты. Æрæджы 9-æм кълæсты аст ахуырдзауы сæ зонындзинæдтыл бафтыдтой математикон ахуырадон программæйыл центр «Сириус»-ы Сочийы. Республиæйы сæргълæууæг куыд загъта, афтæмæй ахæм æнтыстдзинæдты тыххæй дзурын хъæуы дзыллон информацийы фæрæзты фæрцы. Уый фадат ратдзæн проекттæм фылдæр фæсивæды ргом здахынæн.
Куыст не рлæууы химион-биологон кълæсты дæр. Хуыздæр кæны ахуырады хæрзхъæддзинад. Активонæй кусынц ныййарджытимæ дæр. Лæппутæ æмæ чызджытæ зонгæ кæнынц ног гæнæнтимæ.
Æмбырды ныхас цыд бизнес-проекттæн æххуысы центры куыстыл дæр. Фæзынд Цæгат Ирыстоны паддзахадон университеты, æмæ уыд фæлварæны хуызы. Университеты центрæн рахай кодтой хицæн аудитори, ныртæккæ куыст цæуы йæ ифтонгдзинадыл.
Хорз маркетологты бацæттæ кæнгæйæ, стыр æвæрæн бахæсдзыстæм бизнесы рæзтмæ, загъта Битарты Вячеслав. Куыстуæтты разамонджытæ хъуамæ рагацау сæхицæн агурой кадртæ. Уый та къухы фтдзæн, уæлдæр ахуыргæнæндæттимæ æнгом æмгуыстад кæнгæйæ. Ахæм проекттæ хъуамæ фæзыной алы ахуыргæнæндоны дæр.
Республикæйы Сæргълæууæджы хъæппæрисæй ма проектон офисы æмбырды æрныхас кодтой бæхты театр «Нарты» фидæныл, æмæ дзы спортивон традицитæ сног кæныныл. Кæддæр Ирыстон хъуыстгонд уыди йæ династитæй, æмæ уымæн сафæн нæй. Театрмæ хъæуы æрыгон фæлтæры ргом здахын. Уый тыххæй та хъæуы æппæт æмбæлгæ уавæртæ аразын. Ахсджиаг у сæрмагонд программæ саразын, загъта Битарты Вячеслав.
