Лæппу ахуыр кæны 5-æм профессионалон училищæйы
Профессионалон дæсныйады чемпионат «Абилимпикс»-ы регионалон къæпхæнты 2 хатты уæлахиздзау Гæбæлаты Алексей сси ерысы федералон къæпхæны бронзæ призер. Лæппу ахуыр кæны 5-æм профессионалон училищæйы. Йæ хатдзæгтæн ын аргъ скодтой ахуырады æмæ наукæйы министрады дæр.
Афтæ ныфсджынæй Гæбæлаты Алексей æндадзы хуыдтытæ. Кусы алыхуызон æрмæджытимæ. Æндон, чи не згæ кæны, ахæм æфсæйнаг æмæ алюминий. Фæстагимæ архайын æппæтæй зындæр у.
Металлыл бакусын, æхсидæн бацæттæ кæнын æмæ скæнын цалдæр сынчы. Абилимпиксы хæслæвæрдтæ сты зын æмæ цымыдисаг. Алексей у регионалон къæпхæны уæлахиздзау. Финалы бронзæ хæрзиуæг кæй райста, уый йæ разæнгард кæны ноджы зæрдиагдæрæй кусынмæ.
Алексей æдзух практикæ фæкæны. Цæст æм дарынц педагогтæ. Гадзиты Риммæ йын 3 азы æххуыс кæны ерыстæм цæттæ кæнын. Иумæйаг архайды фæрцы 2 хатты сси Абилимпиксы регионалон къæпхæны уæлахиздзау, архайдта автомеханикы компетенцийы æмæ профессионалон дæсныйады конкурс «Ворлдскиллз»-ы.
Æрæджы училищæйы професисоналон æрмадзтæ баххæст кодтой сæрмагонд кусæнгæрзтæй. Ахуырдзаутæ архайынц нырыккон æхсидæн аппараттыл. Алыварс камерæтæ. Уыдон фадат дæттынц конкурсы дистанцион хуызы архайынæн. Кусæнгæрзтæ балхæдтой ахуырады æмæ наукæйы министрады æххуысæй.
Алексейæн йæ бæрзонд бæрæггæнæнты тыххæй раарфæ кодта ахуырады æмæ наукæйы министр Алыбекты Эллæ дæр.
Цæгат Ирыстоны командæ Абилимпиксы архайы 2017-æм азæй фæстæмæ. Фæсивæд призон бынæттæ бацахсы алыхуызон компетенциты. Æртыккаг бынæттæ кауæйбыды æмæ электромонтажы. Æмæ традицимæ гæсгæ фыццаг бынат ирон чъиритæ фыцыны хъуыддаджы. Иннæ аз командæ фæнд кæны йæ хатдзæгтæ фæхуыздæр кæнын.
