Æвзæрстытæ ацыдысты ахуыргæндты советы уæрæхгонд æмбырды
Профессор Мæхæмæтты Ахуырбег та ногæй æвзæрст æрцыди Цæгат Ирыстоны паддзахадон университеты Президентæй. Æвзæрстытæ ацыдысты ахуыргæндты советы уæрæхгонд æмбырды. Уæрæсейы наукон сгуыхт кусæджы, историон наукæты докторы кандидатурæ советы уæнгтæ бахастой æмзондæй. ЦИПУ-йы президенты æвзæрстытæ арæзт æрцæуынц алы 5 азы дæр. Мæхæмæтты Ахуырбег университеты ректор уыди 1990-æм азæй 2006-æм азмæ. Уый фæстæ та сси ахуыргæнæндоны президент. У 3 сæдæ наукон куыстæй фылдæры автор се хсæн 12 монографийы. Наукон æхсæнад куыд фæнысан кодта, афтæмæй Ахуырбег университеты рæзтмæ цы æвæрæн бахаста, уый у æгæрон. Æппæтадæмон æмвæзады æмæ йын бæстæйы экспертон æхсæнады хсæн ын цы кад ис, уый бирæ Ахуырбеджы фæрцы.
