Баст у, республикæйы физикон-математикон лицеймæ рагагъоммæ æрныхасы фæстæ цы 75 фыццагкъласоны райстой, уыдоны хатдзæгтæ растыл нæ банымайынимæ
Промышленнон районы тæрхондон йæ тыхы ныууагъта сæрмагонд уынаффæ. Баст у, республикæйы физикон-математикон лицеймæ рагагъоммæ æрныхасы фæстæ цы 75 фыццагкъласоны райстой, уыдоны хатдзæгтæ растыл нæ банымайынимæ. Уæ зæрдыл уын æрлæууын кæндзыстæм, уыцы куыст цыди февралы. Сывæллæттæ сæхи цæттæ кодтой фыццаг къласмæ бацæуынмæ. Июлы та рабæрæг, сæ рагагъоммæ ныхасы хатдзæгтæ раст кæй не сты, æмæ сын ахуыргæнæндонмæ бацæуæн нæй. Хъуыддаг сæхи къухтæм райстой ныййарджытæ. Балæвæрдтой тæрхондонмæ. Темæйыл дарддæр дзуры Гуытъиаты Алинæ.
Æвдай фондз фыццæгæмкъласоны фæлварæнты бæрæггæнæнты хатдзæгтæ нымад кæй не рцыдысты, уый тыххæй бардзырд промышленон районы тæрхондон банымадта райстыл. Ацы аз февралы республикæйы физикон-математикон лицей сарæзта фæлварæнтæ, фыццæгæм къласмæ бацæуынмæ чи хъавы, уыцы сывæллæттæн. Æвдай фондз фидæны скъоладзауы сæхи цæттæ кодтой ног ахуыры азмæ. Июлы та куыд сбæрæг ис, афтæмæй фæлварæнты бæрæггæнæнтæ нымад не рцыдысты, æмæ уый хыгъд сывæллæттæн нал ис бар республикæйы физикон математикон лицейы ахуыр кæнынмæ. Сабиты ныййарджытæ сæ хъаст бахастой тæрхондонмæ. Фæлæ тæрхондон ахуыргæнæндоны бардзырд банымадта растыл. 12 июлы та уыдис сæ граждайнаг курдиатмæ æркаст.
Ацы скъолайы ахуыр кæныны бар æппæты фыццаг ис, бирæсывæллонджын æмæ се фтиаг чысыл кæмæн у, уыцы бинонты сабитæн. Афтæ ис фыст физикон-математикон лицейы уагæвæрды. Тæрхондон æрдомдта, цæмæй уыцы фæтк æххæст кæной, уый. Уымæй уæдай бафиппайдта, фыццæгæм къласмæ сывæллоны исгæйæ дзургæ фæлварæнæй кæй нæй пайда кæнæн, уый. Закъонмæ гæсгæ, лицейты ахæм иртæстытæ хъуамæ кæной æрмæстдæр цыппæрæм къласы фæстæ, фæлæ физикон-математикон лицейы сывæллæттимæ æнæмæнг кодтой ныхасы хуызæн фæлварæн.
Фыццæгæм сентябры сывæллæттæ уæддæр бацæудзысты фыццæгæм къласмæ. Чи физикон-математикон лицеймæ, чи та, хæстæгдæр æм цы скъола у, уырдæм. Нырма бæрæг нæма у. Ахуырады министрад ныртæккæ архайы фарста алыг кæныныл.
Уыцы хъуыддаджы фæдыл уал карз дзырдæфхæрд рахастой лицейы разамонæджы хæстæ æххæстгæнæгæн. Фæлæ бафиппаинаг у уый дæр æмæ раздæры сæргълæууæджы рæстæг дæр ахæм фæткæй кæй пайда кодтой, уый.
