05 мая 2022, 11:24
ПТРК-«Алани»-йы сайты дарддæр цæуы æппæтуæрæсеон телевизион марафон-фестиваль «С чего начинается Родина»-йы архайджытыл адæмон хъæлæс кæныны процедурæ
Уый фæстæ сæ ныхас зæгъдзысты жюрийы уæнгтæ
ПТРК-«Алани»-йы сайты дарддæр цæуы æппæтуæрæсеон телевизион марафон-фестиваль «С чего начинается Родина»-йы архайджытыл адæмон хъæлæс кæныны процедурæ. Цалдæр къуырийы дæргъы Цæгат Ирыстоны вокалистты, хорты æмæ бинонты сфæлдыстадон къордтæ æрвыстой видеоæрмæджытæ сæ уарзон патриотон зарджытимæ. Ныр та хъуамæ хуыздæрты равзарат сымах. Уый фæстæ сæ ныхас зæгъдзысты жюрийы уæнгтæ. Сæ хыгъды уыдзысты профессионалон музыканттæ, аивады архайджытæ æмæ нæ каналы минæвæрттæ. Æрдæгфиналисттæм æнхъæлмæ кæсы нæ телеуынынады æмæ радиойы эфиртæ. Финалисттæ та архайдзысты, 12 сахаты чи цæудзæн, ахæм телемарафоны. Цæудзæн платформа «СМОТРИМ»-ы. Арæзт æрцæудзæн 12-æм июны, Уæрæсейы бон.
