Цы хомæгтæй пайда кæнынц, уыдон сты уæрæсейаг
Рахизфарсы районы фосæн холлæгтæ уадзæн куыстуаты æнтыстджынæй цæуы архайд. Цы хомæгтæй пайда кæнынц, уыдон сты уæрæсейаг. Куыстуат районы социалон-экономикон рæзтмæ хæссы стыр æвæрæн. Ивгъуыд аз къазнамæ арвыста 650 милуан сомы. Ныртæккæ дзы кусы 300 адæймаджы. Йæ разамонджытæ фæнд кæнынц куысты бынæттæ фæфылдæр кæнын 500-йы онг.
Фосæн холлаг уадзæн куыстуаты æнæкъуылымпыйæ цæуы архайд. Нырыккон техникон фæрæзтæй пайда кæнын æрæджы райдыдтой. Куыстуат байгом кодтой 2019 азы. Кусы дзы 300 адæймагæй фылдæр.Техникæ холлагæй байдзаг кæны голджытæ, сбары сæ, сбæрæг кæны, згъæр дзы бахауд, æви нæ. Кæд продукци дзуапп æппæт домæнтæн нæ радта, уæд техникон фæрæз йæхæдæг æрлæууы. Куыстуаты ис лаборатори дæр. Продукци аразынц уæрæсейаг хомæгтæй. Суткæмæ рауадзынц 200 тоннæйы. Фæнд кæнынц уыцы нымæц фæфылдæр кæнынæн.
Куыстуат холлаг уæй кæны Цæгат Ирыстоны, Уæрæсейы алы регионты æмæ хæстæг фæсарæнты. Уый ахсджиаг у Рахизфарсы районы социалон-экономикон рæзтæн. Ивгъуыд азмæ республикæйы къазнамæ æрвыст æрцыд 650 милуан сомы хъалон. Фæнд кæнынц куысты бынæттæ 500-йы онг фæфылдæр кæнын.
Куыстуаты фæнд кæнынц хæдзарон цæрæгойтæ — гæдытæн æмæ куыйтæн холлаг уадзын. Балхæдтой хъæугæ техникон фæрæзтæ. Ныр сæ бавнæлдтой куыстмæ цæттæ кæнынмæ. Продукцийы ног хуызтæ хъуамæ уадзын райдайой сæрды.
