Къомайты Русланы номыл космонавтикæйы скъолайы бацæттæ кодтой бæрæгбоны æмæ зындгонд ахуыргæнæджы номыл алыхуызон мадзæлттæ
Райдыдта космосы æппæтдунеон къуыри. 4-æм октябры 1957-æм азы фыццаг хатт суагътой Зæххы къорийы аразгæ спутник. Йæ саразыныл куыстой ахуыргæндты æмæ конструкторты къордтæ. Сæ сæргълæууæг уыд практикон космонавтикæйы бындурæвæрæг Сергей Королев. Къомайты Русланы номыл космонавтикæйы скъолайы бацæттæ кодтой бæрæгбоны æмæ зындгонд ахуыргæнæджы номыл алыхуызон мадзæлттæ. Планетарийы музейы экспозицитæ фæфылдæр сты ног экспонаттæй. Экскурситæм цы космос уарзаг адæм æрбацæуой, уыдон фендзысты Зæххы къорийы фыццаг аразгæ спутниккы хуыз. Уымæй уæлдай ма скъолайы ацыд космоквиз. Йæ архайджытæ уыдысты горæты космикон кълæсты ахуырдзаутæ.