Ацы ГЭС аразгæйæ пайда кодтой цымыдисаг инженерон æрхъуыдыдзинæдтæй
Рацыд иу аз, Зæрæмæджы ГЭС-1 кадджын уавæры куы скусын кодтой, уæдæй. Ацы ГЭС аразгæйæ пайда кодтой цымыдисаг инженерон æрхъуыдыдзинæдтæй. Зæгъæм, гидротехникон тъунель. Йæ дæргъ у 14 километры. Турбинæты хуыз та Уæрæсейы нымад у æппæтæй егъаудæрыл. Цæмæй ма ис раппæлæн ацы куыстуатæн, уый тыххæй радзурдзæн Фидараты Маринæ.
Мурасты Константины кусгæ бынат ис разамынды пульты цур. Бæстон кæсы Зæрæмæджы ГЭС-1-ы системæты æдасдзинадмæ. Станцæ кусы æппæтæй ахадгæдæр сахатты, ома электрон тыхæй фылдæр куы фæпайда кæнынц, уæд. Гидроагрегат скусын кæнынæн 2 минутæй фылдæр нæ хъæуы.
Зæрæмæджы ГЭС-1 кадджын уавæры скусын кодтой афæдзы размæ. Ныртæккæ ацы электростанцæ бакусы 340 мегаватты. Дæнцæгæн æрхæсдзыстæм уый, æмæ республикæйы территорийы иннæ 8 ГЭСы бакусынц 90 мегаватты. Ацы ГЭС аразгæйæ пайда кодтой цымыдисаг инженерон æрхъуыдыдзинæдтæй. Зæгъæм, гидротехникон тъунель. Йæ дæргъ у 14 километры. Дыууæ гидроагрегаты хъомыс у фæйнæ 173 мегаватты. Уыдон фадат дæттынц афæдзмæ 842 милуан киловаттсахаты кусынæн. Турбинæты хуыз та Уæрæсейы нымад у æппæтæй егъаудæрыл.
2020-æм азы сæрдыгон донивылды фæстæ, станцæйы куыст баурæдтой. Специалисттæ иртæстой тъунелтæ æмæ дондзæуæнтæ, æмæ сæм ницы фиппаинæгтæ рхастой.
Афæдзы фæстæ станцæйы куыст æххæстæй банывыл кодтой. Уый та дзурæг у ууыл, æмæ хæстæгдæр 30 азы, ГЭСы кусæнгæрзтæ пъланмæ гæсгæ куы ивой, уæдмæ станцæ кусдзæн æппæт хъомысæй.
