филиал вгтрк государственная телерадиовещательная компания “Алания”

17:38 пятница, 29 марта 2024
30 ноября 2021, 14:28
Регионалон чемпионат WorldSkills Russia-мæ æвзарæн къæпхæн райдыдта Цæгат Ирыстоны

Йæ архайджытæ ерыс кæнынц дыууæ категорийы: æрыгон профессионалтæ – 16 – 22 азы онг, стæй юниортæ – 16 азæй къаддæр кæуыл цæуы, уыдон

Регионалон чемпионат WorldSkills Russia-мæ æвзарæн къæпхæн райдыдта Цæгат Ирыстоны. Йæ архайджытæ ерыс кæнынц дыууæ категорийы: æрыгон профессионалтæ – 16 – 22 азы онг, стæй юниортæ – 16 азæй къаддæр кæуыл цæуы, уыдон. Конкурсон фæзты уыди не сфæлдыстадон къорд, æмæ бæлвырддæр хабæрттæ радзурдзæн Сосранты Жаннæ.

Дыууæ æмхуызон фигурæйы саразын сæрмагонд темæйыл. Уыцы зын хæс хъуамæ сæххæст кæной адджинæгтæ кæнджыты ерысты архайджытæ.   Габараты Виктория ма архайдта ацы æрыгон профессионалты конкурсы. Фарон сси дыккаг. Ныр та фæнд кæны хуыздæр бæрæггæнæн равдисын.

Уорлд Скиллзы сын цы хæслæвæрдтæ кæнгæ вæййы, уыдон студенттæн канд сæ профессионалон зонындзинæдтæ фылдæр кæнынæн ахъаззаг не сты, фæлæ ма сын раргом кæны се сфæлдыстадон хъомыс. Къибирти Лаурæ проекты архайы фыццаг хатт.  Аразы, йæ зæрдæмæ хæстæг адæймаг  Сальвадор Далийы сурæт. Уый куыстытæ йын дæдтынц аивадон хъару.

Конкурсы архайынц скъоладзаутæ æмæ студенттæ.  Дзулфыцыны ерыстæ та дзы нымад сты зындæртæй иуыл.  Сцæттæ кæнын хъæуы, сæ асмæ æмæ сæ хуызмæ гæсгæ 15 æмхуызон дзулы. Зындзинад уый мидæг ис, æмæ конкурсы архайджытæн дæдтынц, цы продуктæй спайда кæной, уыдонæн канд сæ процентон æмахаст. Фидæны дæсны специалисты базонæн ис йæ къухты змæлдæй дæр.

Хуыздæртæ равзарын хъæуы туризмы къабазы дæр. Студенттæ сæхи фæлвæрдтой профессионалон менеджерты архайдæй. Хъуамæ туроператоры сайты клиенты фæндон хынцгæйæ равзарой тур.

Цæгат Ирыстоны педагогон  институты та ерыстæ арæзт æрцыдысты дыууæ дæсныйадмæ гæсгæ –  «Кæстæр кълæсты ахуырад»  æмæ  «Скъолайы агъоммæ ахуырад».  Фыццаг хатт дзы архайынц республикæйы педагогон кълæсты ахуырдзаутæ. Жюри бæрæг кæны, ахуырады цавæр цымыдисаг гæнæнтæй пайда кæнынц, уый.  Презентацийы рæстæг сарæзтой интерактивон хъæзтытæ, кæцытæ ахуыр кæнынц йæ потенциалон архайджыты сæхи цæстæнгасыл архайын, уыимæ иу хъуыддагмæ цалдæр цæстæнгасы дарын.

«Скъолайы агъоммæйы ахуырад» –ы  къабазы ерысты архайджытæ сæ проекты равдыстой ныййарджытæ æмæ сывæллæтты æмгуыстадæн мадзæлттæ.  Конкурсанттæ бакуыстой рæвдауæндæтты къордты сайтыл.  Ерысты хуыздæр бæрæггæнæнтæ чи равдиса, уыдон та архайдзысты  World Skills –ы регионалон къæпхæны. Уыдзæн февралы.

vgtrk_alania
vgtrk_alania
vgtrk_alania
vgtrk_alania