Уыди Мæскуыйы, æмæ йын разамынд лæвæрдта хицауады сæрдары хæдивæг Виталий Мутко.
Регионты национ проекттæ царды рауадзыны фарстатыл ныхас цыди хицауадон къамисы æмбырды. Уыди Мæскуыйы, æмæ йын разамынд лæвæрдта хицауады сæрдары хæдивæг Виталий Мутко. Цæгат Ирыстонæй дзы уыдысты Битарты Вячеслав æмæ Тускъаты Таймураз. Виталий Муткойы ныхæстæм гæсгæ, ацы аз уæрæсейаг регионтæ райсдзысты 600 млрд сомы, иннæ аз та 645 млрд. Ацы къабазы регионалон хицаудзинады оргæнты куыстæн аргъ кæндзысты 15 къæпхæнмæ гæсгæ. Уыдоны æнтыстдзинæдтæм гæсгæ, регионтæн лæвæрд цæудзæни гранттæ. Æмбырды архайджытæ ма æрныхас кодтой 2025-æм азмæ УФ-йы рæзты стратегийы пъланмæ цы мадзæлттæ хауы, уыдоныл. Битарты Вячеслав куыд загъта, афтæмæй ацы аз республикæйы национ проекттæ сæххæст кæнынæн дихгонд æрцæудзæн 6 млрд æмæ 500 милуан сомы. Ныридæгæн 36 финансон бадзырды фыст æрцыди профилон федералон министрадтæ æмæ ведомствæтимæ. Дзуаппдæттæг хицауады хæс у, бæлвырд æмгъуыдмæ бюджетон фæрæзтæй нысанмæ гæсгæ спайда кæнын.
