Куыстытæ цæуынц, парти «Иугонд Уæрæсе»-йы проект «Горæты æнцонвадат архайд»-ы фæлгæты
Республикæйы 42 æхсæнадон зонæйы æмæ 88 хæдзары кæрты аивгонд æрцæудзысты ацы азы кæронмæ. Куыстытæ цæуынц, парти «Иугонд Уæрæсе»-йы проект «Горæты æнцонвадат архайд»-ы фæлгæты. Республикæйы æппæт районты ивынц асфальт, бордюртæ, æвæрынц ног рухсгæнæнтæ, бандæттæ, урнæтæ, сыæвæллæттæн арæзт цæуынц хъазæн фæзтæ. Программæйы æппæты егъаудæр объекттæй иу – Дзæуджыхъæуы Титовы уынджы аллейæ. Йе сцалцæг кæнынæн дихгонд æрцыди 11 милуан сомы. Ам сног кæндзысты тезгъо кæнæн зонæ, сæвæрдзысты дзы ног бандæттæ æмæ бырондæттæ, нырыкконыл аивдзысты рухсыты системæ, базилдзысты газонмæ. Арæзтадæн пълан кæнгæйæ партийы минæвæрттæ æнæрхъуыдыйæ нæ ныууагътой бынæттон цæрджыты фæндонтæ дæр.
