Мадзалы фæлгæты информацион технологиты æмæ бастдзинады управленийы разамонæг Сæлбиты Аланæн фембæлд уыди Беслæны 8-æм скъолайы ахуырдзатимæ
Республикæйы æнтыстджынæй æххæстгонд цæуы ахуырадон проект «Урок цифры». Мадзалы фæлгæты республикæйы информацион технологиты æмæ бастдзинады управленийы разамонæг Сæлбиты Аланæн фембæлд уыди Беслæны 8-æм скъолайы ахуырдзатимæ. Урочы темæ – «Приватность в цифровом мире». Скъоладзаутæ урочы базонгæ сты информацион æдасдзинады бындуртимæ. Сæлбиты Алан радзырдта, 21-æм æнусы ахсджиаг фæрæзæй куыд раст пайда кæнын хъæуы, æмæ хи сæрмагонд бæрæггæнæтæ куыд хъахъхъæнын хъæуы, уый. Социалон хызтæм хи бæрæггæнæнтæ куы бахауой, уæд сæ цæстфæлдахджытæ æнæмæнгæй спайда кæндзысты адæймаджы ныхмæ. Рæзгæ фæлтæрæн цæстуынгæ æрмæджы фæрцы равдыстой нырыккон интернеты мадзæлттæ. Урочы сæйраг нысан уыди социалон хызты хи бахъахъхъæны гæнæнтæ бацамонын. Сæлбиты Аланы ныхæтæм гæсгæ, нымæцон дунейы сабитæ сæхи æнкъарынц тынг хорз. «Урок цифры» у, арæх кæй аразынц, ахæм проект. Йæ нысан у – виртуалон дунейы тæссаг хъуыддæгтæй хи бахъахъхъæныны мадзæлттæ фæкъаддæр кæнын.
