13 апреля 2023, 11:23
Республикæйы аивæдты лицейы кад кодтой сывæллæтты нывты конкурсы уæлахиздзаутæн
Ацы аз йæ темæ уыд Цæгат Ирыстоны автономийы 100 азы бонимæ
«Ныв кæнынц Ирыстоны сывæллæттæ». Республикæйы аивæдты лицейы кад кодтой сывæллæтты нывты конкурсы уæлахиздзаутæн. Ацы аз йæ темæ уыд Цæгат Ирыстоны автономийы 100 азы бонимæ. Конкурсмæ æдæппæтæй бахастой 200 нывæй фылдæр. Уыимæ республикæйы алы районтæй. Се ппæт дæр хаст æрцыдысты организацион комитетмæ, 3 тематикон хуызмæ гæсгæ: «Ирыстоны горæттæ æмæ хъæутæ», «Историйы сыфтæ фæлдахгæйæ» стæй » Райгуырæн бæстæйы æрдз». Сывæллæтты сфæлдыстады конкурс сси хорз традицийы хуызæн. Алы аз дæр æрбамбырд кæны æвзонг курдиатджын нывгæнджыты æмæ сæ ахуыргæнджыты.