е хсæн арæзт æрцыд æмбаладон матч футболæй
Ивгъуыд фæлладуадзæн бонты нæ республикæйы дзыллон информацийы фæрæзты минæвæрттæ сæ тыхтæ бафæлвæрдтой спортивон æгъдауæй. Се хсæн арæзт æрцыд æмбаладон матч футболæй. Спортивон фæзы æрæмбырд сты Паддзахадон телерадиокомпани «Алани»-йы, национ телекомпани «Осетия-Ирыстон»-ы, информацион порталтæ «15 регион» стæй «Kavkaz.red», мыхуыры хъуыддæгты æмæ дзыллон коммуникациты Комитеты минæвæрттæ. Зæгъдзыстæм уый дæр, æмæ ахæм цымыдисаг ерыс арæзт æрцыд дыккаг хатт. Йæ саразыныл бакуыста парти «Иугонд Уæрæсе»-йы цæгатирыстойнаг регионалон хайады минæвæрттæ. Æмæ кæд хъазты сæйрагдæр уæлахиз нæ уыди, уæддæр йæ архайджытæ рамбулынмæ бæллыдысты. Афтæмæй ацы хатт цæугæ Кубокы хицау сси Цæгат Ирыстоны мыхуыры хъуыддæгты æмæ дзыллон коммуникациты Комитеты командæ.
