Ахæм бæрæггæнæнтæ æрвылкъуырион аппаратон æмбырды фехъусын кодта фæлхасадмæ цæстдарды управлени
Республикæйы эпидемиологон уавæр зынгæ фæхуыздæр, фæлæ уæддæр нырма цы æмбæлы, уымæй у уæлдæр. Ахæм бæрæггæнæнтæ æрвылкъуырион аппаратон æмбырды фехъусын кодта фæлхасадмæ цæстдарды управлени. Ныртæккæ вирусон инфекцийæ рынчындæтты ис 17 хистæры æмæ 51 сывæллоны. Æмбырды ныхас цыди ивгъуыд къуырийы цаутыл дæр. Æдæппæтæй хыгъд æрцыди 24 зынгсирвæзты, цæрæнуæтты-коммуналон хæдзарады къабазы 29 аварийы, æмæ 70 фæндаггон фыдбылызы. Æмбырды стыр æргом здæхт æрцыди ахуырадмæ. Ацы аз Цæгат Ирыстоны скъолаты бындурыл уæлæмхасæн ахуырады хуызы байгом кодтой 20 мины ног бынæттæ. Уымæй уæлдай, æрдзырдтой «Пушкины картæ»-ы программæйыл. Афæдзы райдианæй нырмæ республикæйы культурæйы министрадæн æфтиаг æрхаста 21 милуан сомæн.
