Абон ын йæ фæндонимæ сразы ис республикæйы Сæргълæууæг Битарты Вячеслав.
Уымæй дарддæр ын хорзыл банымадта йæ ног куысты бынат дæр.
Республикæйы физкультурæ æмæ спорты министр Гæбулты Владимир абонæй фæстæмæ аивта йæ куысты бынат. Абон ын йæ фæндонимæ сразы ис республикæйы Сæргълæууæг Битарты Вячеслав.
Уымæй дарддæр ын хорзыл банымадта йæ ног куысты бынат дæр. Амæй фæстæмæ уыдзæни спорты хъуыддæгты фæдыл уынаффæгæнæг. Гæбулты Владимир йæхæдæг куыд зæгъы, афтæмæй йын ныр фылдæр рæстæг уыдзæни республикæйы футбол рæзын кæнынæн æппæт тыхтæ саразынмæ. Фидæны президенты хуызы разамынд дæтдзæн республикон футболон клубæн дæр. Уымæй уæлдай фæнд кæны Ирыстоны æвзонг футболисттæн скъола – интернат саразын. Битарты Вячеслав кусæг фембæлды рæстæг бæрнон кусæгæн бузныг загъта йæ ахадгæ куысты тыххæй. Уый фæстæ æрныхас кодтой Дзæуджыхъæуы футболы Академийы проекты скæныныл. Уæ зæрдыл уын æй лæууын кæнæм, Гæбулты Владимир физкультурæ æмæ спорты министр уыди 2018-æм азы ноябрæй абоны онг.
