Уый тыххæй фехъусын кодтой, организацийы минæвæртты кусæг балцы рæстæг Цæгат Ирыстоны паддзахадон университетмæ
Тагъд рæстæджы нæ республикæйы, гæнæн ис, æмæ фæзындзæн фонд «Сколково»-йы официалон минæварад. Уый тыххæй фехъусын кодтой, организацийы минæвæртты кусæг балцы рæстæг Цæгат Ирыстоны паддзахадон университетмæ. Уæлдæр ахуыргæнæндоны бындурыл проекты фидæныл æрныхас кодтой фонды разамынд æмæ амалхъом адæм. Уымæй дарддæр базонгæ сты, бынæттон фæсивæд кæуыл кусынц, ахæм цымыдисаг хъæппæристимæ æмæ цæттæ проекттимæ. Зæгъæм, маркетплейс саразыны проект баст у, хомаг ногæй бакусыныл чи архайы, уыцы адæм компанитимæ. Уымæй дарддæр интерактивон презентацитæ аразынимæ, хъæддзаума аразæг дуканиты агрегаторимæ. Зæгъдзыстæм ма уый дæр, æмæ мадзал саразыныл куыст æрцыд Цæгат Ирыстоны сæргълæууæджы хæстæ рæстæгмæ æххæстгæнæг Сергей Меняйлойы хъæппæрисæй. Цалдæр мæйы размæ Сколковойы минæвæрттимæ фембæлды республикæйы разамонæг бафиппайдта, фондимæ æмгуыстад фадат кæй ратдзæн ахсджиаг къахдзæфтæ акæнынæн, нæ регионы интеллектуалон хъомыс фæфылдæр кæныны хъуыддаджы.
