Йæ фæлгæты нæ республикæйы уæлдæр æмæ астæуккаг ахуыргæнæндæтты командæтæ, æдæппæтæй 11, ерыс кæнынц спортивон æмæ æфсæддон-патриотон къæпхæнты
Республикæйы хæххон паддзахадон аграрон университеты арæзт æрцыд 5-æм æфсæддон-патриотон проект «Уæлахиз». Ацы проект фыццаг хатт уыди 2010-æм азы. Йæ фæлгæты нæ республикæйы уæлдæр æмæ астæуккаг ахуыргæнæндæтты командæтæ, æдæппæтæй 11, ерыс кæнынц спортивон æмæ æфсæддон-патриотон къæпхæнты. Проект сæххæст кæнынæн баххуыс кодта аграрон университеты ахуырдзауты Советы студентон къорд. Æппæт хæслæвæрдтæ арæзт цæуынц Уæрæсейы фæлхасадон цæдисы æмæ республикæйы разамынды домæнтæ хынцгæйæ.
Традицимæ гæсгæ проект æххæст кæнын райдыдтой стелæ «Дзæуджыхъæу æфсæддон намысы горæт»-æй. Кадджын мадзалы архайдтой уæлдæр æмæ астæуыккаг ахуыргæнæндæтты æмæ ветаранты Советы минæвæрттæ. Проект сæххæст кæнынæн баххуыс кодтой хæххон паддзахадон аграрон университеты студентон къордтæ.
Алыхуызон кардæй æмæ æндæр хæцæнгарзæй æхсæн ерыстæ. Уымæй уæлдай ам цы спортивон æмæ фсæддон-патриотон мадзæлттæ арæзт æрцыд, уыдоны дыууæ бонмæ сæ арæхтдзинад хъуамæ равдистаиккой алы ахуыргæнæндæтты фæсивæдæй цы иуæндæс командæйы арæзт æрцыд, уыдон. Сæрæн æмæ арæхтдзинадæй уæлдай ма ацы ерысты руаджы архайджытæн се хсæн фидæны фæзыны ног ахастдзинæдтæ дæр. Æппæты зындæр ацы хатт уыди » Веревочный парк»-ы чи фæлвæрдта йæхи, уыдонæн. Бæлвырд уыд иу – улæфынæн сын рæстæг нæ уыди! Сæ хъару æмæ ма зонындзинæдты фæрцы сæ равдисын хъуыди – рæстæгмæ гæсгæ Калашниковы номыл автомат сымбырд кæнын, стæй, уый дæр рæстæгмæ гæсгæ – бæндæнтыл 14 метры бæрзæндмæ схизын.
Фæсивæд сæхæдæг куыд зæгъынц, афтæмæй цæмæй патриот суай, уый тыххæй æфсæддон уæвын æнæмæнг нæ хъæуы. Сæ фылдæр ацы студенттæй сæ царды равзæрстой алыхуызон дæсныйадтæ. Уый сын æвзæрырдæм нæ сахадыдта сæ цардыл.
Фидæны архайджыты хъуамæ схорзæхджын кæной кады гæххæтыттæй æмæ алыхуызон лæвæрттæй æмæ сертификаттæй.
