25 марта 2024, 12:21
Республикæйы хъармæй ифтонг кæныны къабазæн 15 азы æнцон рæстæджытæ нæ уыди
Хъармдæттæн пунктты æмæ донцъирæн станцæты 70% заууатмæ æрцыдысты
Республикæйы хъармæй ифтонг кæныны къабазæн 15 азы æнцон рæстæджытæ нæ уыди. Хъармдæттæн пунктты æмæ донцъирæн станцæты 70% заууатмæ æрцыдысты. Ацы фарстатыл пресс-конфернецийы рæстæг æрдзырдта Дзæуджыхъæуы хъармдæттæн хызты директор Доййаты Алан. Уавæр сраст кæныны тыххæй Цæгат Ирыстон у æртæ регионæй иу фæлварæн проект æххæстгонд кæм цæуы. Ацы хъæппæрис разынд республикæйы сæргълæууæг Сергей Меняйломæ. Федералон фæрæзты фæрцы хъуамæ зылд æрцæуа цæрæнуæтты-коммуналон инфраструктурæмæ, стæй хъуамæ рацаразой инженерон хызтæ. Ацы программæ арæзт у цæрæнуæтты-коммуналон къабаз рацаразыны, уыимæ та, хъармгæнæн хызты æвæрæнтæ фæстауæрц кæныны нысанимæ.
темæмæ гæсгæ