Уый тыххæй фехъусын кодтой Уæрæсейы фæлхасадмæ цæстдарды управленийы
Республикæйы коронавирусæй рынчынты нымæц ивгъуыд къуыриимæ абаргæйæ фæкъаддæр 5 %. Уый тыххæй фехъусын кодтой Уæрæсейы фæлхасадмæ цæстдарды управленийы. Фæстаг къуыримæ фæкъаддæр низ парахат кæныны коэффицент дæр. У иу процентæй къаддæр. Рынчындæттæм медицинон æххуысмæ дæр адæм цæуынц къаддæр. Ныртæккæ республикæйы рынчындæтты дзæбæх кæнынц 9 сæдæ 16 адæймаджы, уыдонæй 89-æй сты реанимацийы. Туаггуыр цæуы æнæкъуылымпытæй. Æнæниздзинадмæ цæстдарды службæйы бæрæггæнæнтæм гæсгæ туаггуыр дзуапп дæтты æппæт домæнтæн. Йæ хæрзхъæддзинад ын сбæрæг кодтой Стъараполы æмæ Гудермесы специалисттæ.
Уымæй уæлдай, Сергей Меняйло бахæс кодта æппæт муниципалон скондты сæргълæуджытæн, бирæ азон арæзтæдты æмæ æрдæг арæзт объектты иумæйаг реестр саразын. Исбоны министрады æнæмæнгæй хъæуы афтид чи у, ахæм стыр объектты тыххæй информаци сæмбырд кæнын, уыдоны хсæн мидхъуыддæгты министрады училищæ, хæххон металлургон техникумы æмдзæрæн дæр. Ныхас цыди Алагирмæ бацæуæны фæндаггон патрулон службæйы постыл дæр. Хъуамæ æрцæуа хæлд. Районы администраци радих кодта 5 милуан сомы, цæмæй пост кæм уыди, уыцы бынат иннæ аз аивгонд æрцæуа. æмбырды æрдзырдтой æндæр фарстатыл дæр.
