Уый у, Нарты истори иртасджысты бирæ азты фæллæйттæ кæм баиу кодтой, ахæм æрмæг
Республикæйы культурæйы министрады районты библиотекæтæн кадджын уавæры радтой Нарты кадджыты æртæтомон энциклопеди. Уый у, Нарты истори иртасджысты бирæ азты фæллæйттæ кæм баиу кодтой, ахæм æрмæг. Ирыстойнаг историон – филологон æхсæнад æй æмбырд кæнын райдыдтой 1919-æм азы Цæгат æмæ Хуссар Ирыстоны алы къуымты. Цæгат Ирыстоны социалон ирстæстыты институты алы фæлтæрты ахуыргæндтæ нарты кадджыты наукæмæ хастой сæхи æвæрæн. Энциклопедийы ис сюжеттæ, циклтæ, хъæбатырты тыххæй æрмæджытæ, уæрæсеаг æмæ фæсарæйнаг ахуыргæндты къухфыстытæ. Энциклопеди саразынмæ се ргом раздæхтой æрмæстæр Цæгат Ирыстоны социалон иртæстыты институты ахуыргæндтæ нæ, фæлæ ма хæстæг фæсарæнты наукон организацитæй 50 специалисты дæр. Проектыл куыстой 6 азы. Чиныгæн ис стыр ахадындзинад, библиотекæтæн æмæ истори чи уарзы, уыдонæн у ахадгæ фæрæз.
