Нысан кæны комдарæны кæронбæттæн. Ураза-байрам ирдæй æвдисы пысылмон удварны хæзнатæ – уарзондзинад, хæлардзинад æмæ рæдаудзинад
Республикæйы пысылмæттæ бæрæг кæнынц сæ сæйраг бæрæгбæттæй иу – Ураза-Байрам. Нысан кæны комдарæны кæронбæттæн. Ураза-байрам ирдæй æвдисы пысылмон удварны хæзнатæ – уарзондзинад, хæлардзинад æмæ рæдаудзинад. Хуры скастимæ Суннитаг мæзджыты скуывтой хуыцаумæ. Цæгат Ирыстоны алы рæтты та арæзт æрцыдысты ламазтæ. Ураза ахæссы 3 боны. Адæм кæрæдзимæ фæцæуынц уазæгуаты, феххуыс кæнынц фæкæсынхъуаг бинонтæн, рынчынтæн, зæрæттæн. Уыимæ хуыцауæй фæкурынц сабырдзинад, уарзондзинад, æнгомдзинад æмæ бæркад. Нæ республикæ пысылмæттæн бæрæгбоны фæдыл арфæ ракодта Сергей Меняйло. Куыд бафиппайдта афтæмæй Ураза-Байрам ирдæй æвдисы адæмы тырнындзинад хорз хъуыддæгтæ кæнынмæ, сыхагæн баххуыс кæнынмæ, рынчынтыл баузæлынмæ. Пысылмæтты цæгатирыстойнаг æхснæнад та стыр æвæрæн хæссы республикæйы сабырдзинад æмæ хæлардзинад фидар кæныны хъуыддагмæ. Ацы бон уын мæ зæрдæ зæгъы æнæниздзинад, фарн æмæ амонд. Уæ куывтытæ уыр хуыцау рвйæд – уыдис фыст арфæйы телы.
