Сывæллæттæн радзырдтой фæндаггон æгъдæутты тыххæй, равдыстой сын ацы темæимæ баст мультипликацион нывтæ æмæ видеороликтæ
«Скъоламæ фæндаг». Республикæйы райдыдта адæмон фронты акцийы дыккаг къæпхæн. Президентон змæлды минæвæрттæ паддзахадон автоинспекцийы, ахуырады æмæ наукæйы министрады, стæй автомобилистты æхсæнады специалисттимæ бабæрæг кодтой Дзуарыхъæуы скъола. Сывæллæттæн радзырдтой фæндаггон æгъдæутты тыххæй, равдыстой сын ацы темæимæ баст мультипликацион нывтæ æмæ видеороликтæ. Уый фæстæ та скъоладзауты сахуыр кодтой рухсздахæн элементтæ хи къухтæй кæнын. Сæ фæрцы шофыртæ талынгæй фенынц сывæллæтты фæндæгтыл. Ахæм мадзæлттæ ма уыдзæн иннæ скъолаты дæр. Акци «Скъоламæ фæндаджы» фыццаг къæпхæн уыд августы. Адæмон фронты минæвæрттæ сарæзтой ахуыргæнæндæттæм хæстæг уынгты æмæ территориты мониторинг.