Ацы конкурс у президентон платформæ «Россия – страна возможностей»-ы проекттæй иу
Республикæйы райдыдта, йе нæниздзинад хъыгдард кæмæн у, уыцы адæмы хсæн профессионалон дæсныйады национ æрвылазон чемпионат «Абилимпикс»-ы цæттæгæнæн къæпхæн. Ацы конкурс у президентон платформæ «Россия – страна возможностей»-ы проекттæй иу. Ерысы республикон къæпхæн фæуыдзæн 28-æм сентябры. Бæлвырддæр хабæрттæ радзурдзæн Хъайтмазты Дзерассæ.
Электроникæйы колледжы студент Гусаты Азæмæт ахуыр кæны компьютерон программæтæ аразыныл. Йæ зонындзинæдтæн ис фыццаг хатдзæгтæ. Азæмæт у фароны профессионалон дæсныйады чемпионат «Абилимпикс»-ы уæлахиздзау. Райста грант фыццаг бынаты тыххæй. Афтæмæй, 3-æм курсы студент бинонты æфтийæгтæ фæфылдæр кодта. Æмæ уый у, раст цардвæндаг кæй равзæрста, уый æвдисæн.
Республикæйы райдыдта, йе нæниздзинад хъыгдард кæмæн у, уыцы адæмы хсæн профессионалон дæсныйады национ æрвылазон чемпионат «Абилимпикс»-ы цæттæгæнæн къæпхæн. Ацы конкурс у президентон платформæ «Россия – страна возможностей»-ы проекттæй иу.
Ерыстæ арæзт сты 79 компетенцимæ гæсгæ. Дих кæнынц сæйрагтыл æмæ уæлæмхасæнтыл. Информацион технологитæ сты æхсæнады æмæ экономикæйы райрæзты ахсджиагдæр къабазтæй иу. Фæлæ фæстæдæр нæ лæууынц кусæг дæсныйæдтæ дæр. 17-аздзыд Гæбæлаты Алексей йæ фыды хуызæн, равзæрста æхсидæн хъуыддаг. Лæппу дæр у фароны ерысты уæлахиздзау.
Республикæ чемпионат «Абилимпикс»-ы архайы 2017-æм азæй фæстæмæ. Райдыдтой 8 компетенцийæ. Абон 14-ы онг фæфылдæр сты. Ахæм рæзт дзуры, се *нæниздзинад хъыгдард кæмæн у, уыдонæн гæнæнтæ парахатдæр кæй кæнынц, ууыл.
Ерысы республикон къæпхæн фæуыдзæн 28-æм сентябры. Октябры кæрон та уыдзæн æппæтуæрæсеон финал Мæскуыйы. Уæлахиздзаутæ грантæй фæстæмæ ма райсдзысты дипломтæ, сертификаттæ, майдантæ æмæ уæлæмхасæн баллтæ фæлварæнты.
