Аграритæ цæттæ кæнынц мæр, хæссынц æм хъацæнтæ, стæй тауынц æфсирджынтæ, фæззыгæндтæ æмæ холлæгтæн алыхуызон культуртæ
Республикæйы райдыдтой уалдзыгонд быдырон куыстытæ. Аграритæ цæттæ кæнынц мæр, хæссынц æм хъацæнтæ, стæй тауынц æфсирджынтæ, фæззыгæндтæ æмæ холлæгтæн алыхуызон культуртæ. Мæздæджы районы аграритæн сæ уалдзыгон куыстытæ куыд цæуныц, уый тыххæй радзурдзæн Касаты Наирæ.
Фæсарæйнаг техникæйæ уæрæсейаг аграритæ пайда кæнынц æнæ къуылымпыйæ. Швецийæ ласт автоматизацигонд тауæн хъæууон хæдзарады кусджытæ нымайынц хуыздæртæй иуыл. Николай Москаленко америкаг тракторы кабинæ у цæстдарн пункты хуызы. Бирæ архайд дзы нæй, ам ахсджиагдæр у бæстон цæстдард
Фæсарæйнаг техникæ ацы хъæууонхæдзарадон куыстуат балхæдта дыууæ азы размæ. Специалисттæ куыд зæгъынц, афтæмæй сын аналогтæ ис, фæлæ иннæты хуызæн тыхджын не сты, стæй эксплуатацийы сты гыццыл зындæр архайд. Аграритæ æнхъæлмæ кæсынц, уæрæсеаг кусæнгæрзты хуыз кæй аивдзысты, æмæ сæ архайд хуымæтæгдæр кæй уыдзæн, уымæ. Ныртæккæ та уал сæ фыццаградон хæс у уалдзыгон быдырон куыстытæ афоныл бакæнын. Мæздæджы быдырты ацы техникæ цæуы сахатмæ 20 км. Автоматикæ алы къæпхæны дæр иу радмæ байтауы 100 гектары зæххытæ, суткæмæ та дыууæ хатты фылдæр.
Агрофирмæйы бæрны ис 6 мин гектары хуымгонд зæххытæ. Уалдзыгон куыстытæм бавнæлдтой æвæстиатæй, куыддæр боныхъæд снывыл, уæд. Ныридæгæн байтыдтой хъæбæрхор, горох æмæ æндæр культуртæ. Тауæн агрегатмыггæгтæ сæмбырд кæны йæхæдæг, таугæйæ дæр алцыдæр автоматизацигонд.
Ам пайда кæнынц уæрæсейаг хъацæнтæй, мыггæгтæ дæр уæдæ сты бынæттон. Зайын кæнынц мæнæу, рапс, тымбылхъæдур, хъæбæрхор. Ацы уалдзыгон быдырон кампанийы хардзгæнæн хомагæй цух не ййæфтой, зæгъынц аграритæ. Фæсарæйнæгтæй пайда кæнынц рапсы мыгггаг «Пионер»-æй. Ацы сезоны сæ балхæдтой, иннæ аз хъуыддаг куыд рауайдзæн, уый нырма зын зæгъæн у.
Фæлхасадон базарад – Китай æмæ Европæ. Куыстуаты ацы аз къуылымпыдзинæдтæ нæ уыдзæн, продукци ауæй кæныны. Уый нæ, фæлæ ма йæ фæлхасгæнæн агуры ноджыдæр тынгдæр. Уæвгæ, æмтгæй райсгæйæ, Мæздæджы районы фæнд кæнынц 65 мин гектары зæххытæ, уыдонæй 40 мины фæззыгæндтæ, 25 мины та æфсирджынтæ. Муниципалон скондты тауæн кампанийы къуылымпыдзинæдтæм не нхъæлмæ кæсныц. Район кæдфæндыдæр уыди аграрон къабазмæ здæхт, зæххæй ахадгæйæ куыд пайда кæнын хъæуы, уый хорз зонынц. Ацы аз донхорыггæнæн процесс хъуамæ фæтыхджындæр уа. Ацы хъуыддагыл йæ фæд уадзы климæт дæр.
Профилон министрады бæрæггæнæнтæм гæсгæ, Цæгат Ирыстон хъацæнтæй ифтонггонд у 80%, 90% хоры мыггæгтæй, картофæй та 91%. Натхор таугæ йæ та спайда кæндзысты бынæттон селекциты гибридтæй. Ацы аз æфсирджынтæ байтаудзысты 143 мин гектары. Тауæнтæм цæттæ у техникæ дæр.
