Уый тыххæй бæрнон кусджытæ радзырдтой не сфæлдыстадон къордæн
Республикæйы ресусртæй ифтонггæнæн организацитæ сæхи бацæттæ кодтой, хъармæгæнæн сезоны рæстæг æнæнхъæлæджы уавæрты кусынмæ. Уый тыххæй бæрнон кусджытæ радзырдтой не сфæлдыстадон къордæн. Бæлвырддæр — Чехойты Фатимæ.
Хъармгæнæн сезонмæ цæттæгæнæн мадзæлттæ бацыдысты сæ тæмæны. Ресурстæй æххæстгæнæн организацитæ кусынц, рсепубликæйы Хицауад кæй ныффидар кодта, уыцы пъланмæ гæсгæ. Коммуналон хæдзарæдты министрады бæрны та — æнæнхъæлæджы уавæрты рæстæг цы æрмæджытæ æмæ ифтонггæрзтæ фæхъæуынц, уыдон.
Фæззыгон-зымæгон рæстæджы куыстмæ цæттæ кæны электрон тыхдæттæг организаци дæр. æнæнхъæлæджы уавæрты фæстиуджытæ иуварс кæнынæн хъæугæ æрмæджыты æмæ фæрæзты резерв ныридæгæн цæттæ у.
Фæззыгон-зымæгон рæстæгмæ цæттæ кæныны мадзæлтты фæлгæты æрдзон газ дæттæг куыстуатæн дæр авариты рæстæг хъæугæ фæрæзтæ цæттæгонд сты. Спайда сæ кæндзысты æрмæстдæр æнæнхъæлæджы уавæрты. Бригадæтæн лæвæрд цæудзысты æхсæвæй бонæй, авариты фæстиуджытæ цыбыр рæстæгмæ иуварс кæнынæн.
Дондæттæг куыстуат ныртæккæ донæй æфсады Дзæуджыхъæуы системæ, цæмæй хъармгæнæн сезоны кусын райдайа оперативон æгъдауæй, æдасдзинады домæнтæ æххæстгæнгæйæ.
