Хатдзæгтæ дзы скодтой 2025-æм азы куыстæн, стæй снысан кодтой фидæнмæ пълан
Республикæйы Сæргълæууæджы разамындæй уыд, промышленнон продукцийы æнæзакъон зилдухы ныхмæ къамисы æмбырд. Хатдзæгтæ дзы скодтой 2025-æм азы куыстæн, стæй снысан кодтой фидæнмæ пълан. Сергей Меняйло куыд загъта, афтæмæй къамисы куыст тынг ахсджиаг у. Бæстон цæстдард цæуы промышленнон æмæ хъæууонхæдзарадон продукцийы базарадмæ. Æнæниздзинадхъахъхъæнынадмæ цæстдарды Федералон службæйы территориалон оргæны разамонæг Ольга Давыдова куыд фехъусын кодта, афтæмæй сæ ведомство скодта 794 профилактикон мадзалы. Æдасдзинады куысты тыххæй радзырдта фæлхасгæнджыты бартæ хъахъхъæнæг Управленийы разамонæг Тыбылты Алан. 2025-æм азы специалисттæ кастысты хойрæгты хæрзæхъддзинадмæ рынчындæтты, скъолаты, рæвдауæндæтты æмæ æндæр хæдзарадон субъектты. Бæрæггæнæн куысты хатдзæгтæм гæсгæ скодтой 161 протокол административон барадхæлдтыты тыххæй. Регионы ма цæстдард цæуы фосдарынады проукцийы æдасдзинадмæ дæр. Æмбырды хатдзæгтæм гæсгæ, Сергей Меняйло бæрнон ведомствотæн радта бæлвырд амынддзинæдтæ.
