Уый тыххæй Сергей Меняйло хицауады уæнгтæн фехъусын æрвылкъуырион аппаратон æмбырды
Республикæйы сæргълæууæджы уынаффæмæ гæсгæ, арæзтады министры хæстæ рæстæгмæ æххæстгæнæгæй нысангонд æрцыди Атарты Георгий. Уый тыххæй Сергей Меняйло хицауады уæнгтæн фехъусын æрвылкъуырион аппаратон æмбырды. Моргуаты Константин йæ куыстæй йæхи суæгъд кæнын кодта, йæхи фæндонмæ гæсгæ. Ныр уыдзæни сæргълæууæджы уынаффæгæнæг. Æмбырды ма ныхас цыди Архонкæйы дондзæуæн системæйы куыстыл. Регионы разамонæг уавæрмæ æрхаста бирæ фиппаинæгтæ, æмæ цæрæнуæтты-коммуналон хæдзарады министрæн бахæс кодта дзуаппдæттæг кадртæм ивддзинæдтæ бахæссын. Æркастысты дондзæуæн куыстуат республикæйы профилон организацийы бæрны радыны фарстамæ дæр. Æрдзырдтой маркировкæйыл дæр. Кучиты Зауыр куыд загъта, афтæмæй республикæйы бæгæны чи уадзы, уыдон сæхи сифтонг кодтой æнæмæнг хъæугæ кусæнгæрзтæй æмæ регистраци скодтой системæ «Честный знак»-ы. Æвгты дон æмæ æхсыры продукттæ чи уадзы, уыцы компанитæ сты цæттæ. Сергей Меняйло йе ргом аздæхта социалон лæггæдтæ дистанцион æгъдауæй исыны системæйы куыстмæ. Куыд фехъусын кодтой, афтæмæй 79 лæггады ивд æрцыдысты электрон хуызмæ.
