Семæ ма уыдысты Дзæуджыхъæуы префектурæты æмæ администрацийы управленийы хайæдты разамонджытæ.
Республикæйы сæргълæууæг Битарты Вячеслав æмæ Дзæуджыхъæуы администрацийы сæргълæууæг Æлбегаты Барис инспекциимæ æрзылдысты горæтыл.
Семæ ма уыдысты Дзæуджыхъæуы префектурæты æмæ администрацийы управленийы хайæдты разамонджытæ. Бæрæггæнæн мадзалы рæстæг хъуамæ федтаиккой горæты сæйраг бынæттæ, се ‘хсæн Дзæуджыхъæумæ бацæуæнтæ. Уый фæстæ горæты администрацийы сæргълæууæджы размæ сæйрагдæр хæстæ сæвæрдтой – санитарон уавæр æмæ йæ фадæттæ фæхуыздæр кæныныл бакусын. Битарты Вячеслав куыд фæбæрæг кодта, афтæмæй сыгъдæгдзинадыл хъуамæ кусой коммерцион организацитæ дæр, сæ алфамбылайы аивдзинадмæ хъуамæ куыдфæндыйы цæстæй ма кæсой. Уыимæ загъта, ацы хъуыддагмæ йе вæрæн цы амалхъом адæм хæссой, уыдон цæудзысты хорзæхгонд. Республикæйы сæргълæууæджы хъуыдымæ гæсгæ, базарадон объектæ, кæм не ‘мбæлы ахæм рæттæй аиуварс кæнын хъæуы, сæрмагондæй харбызтæ уæй кæнæн бынæттæ. Æлбегаты Барис куыд бамбарын кодта, афтæмæй, уыцы хъуыддагыл куыст цæуы æппынæдзухдæр.
