Дзæуджыхъæуы сæйраг фæзы хайгай æрæмбырд кодтой æмæ равдыстой 10-æм æнусы цаутæ
Лекцитæ, равдыстытæ, 10-æм æнусы Аланийы историмæ балц. Афтæ республикæйы сбæрæг кодтой Аланийы аргъуыды мин сæдæ азы. Ирддæр мадзæлттæй иу систы паддзахадон Эрмитажы бонты. Бæлвырддæр хабæрттæ радзурдзæн Хъайтмазты Дзерассæ.
Аланийы аргъуыд историйы фæдты фæдыл. Дзæуджыхъæуы сæйраг фæзы хайгай æрæмбырд кодтой æмæ равдыстой 10-æм æнусы цаутæ – Византийаг миссионерты æрбацыд Кавказмæ, алчыр Петр дзуæрттæ æфтауы алайнаг паддзахыл. Афтæ æххæстгонд æрцыд Аланийы Стыр аргъуыд.
Историон цауты рацарæзтыл архайдтой 6 мæйæ фылдæр. Сæйраг хъайтартæ – бæхты театр «Нартæ»-йы артисттæ. Аланты сурæттæ сарæзтой Дзæуджыхъæуы культурæйы колледжы студенттæ, стæй горæты æмæ республикон ансамбльты артисттæ. Цымыдисаг равдыстмæ бакæсынмæ æрбацыдысты горæты цæрджытæ æмæ уазджытæ.
Алани уыд, апостолон динамынд чи фехъуыста, уыцы паддзахадтæй иу. Чырыстийы ахуырад æрбахастой Андрей Первозванный æмæ СИмон КананИт. Рагон чырыстон æвдисæнтæм гæсгæ, ацы дин Аланийы зыдтой 1-æм-2-æм æнусты. Чырыстон дины истори фенæн уыд алыхуызон равдыстыты. Фыццæгтæй иу бацæттæ кодта республикæйы архивон службæ. Хуызистытыл – стыр рухстауæн æвæрæн чи бахаста, уыцы алчыртæ, сауджынтæ. Аланийы аргъуыды мин сæдæ азимæ баст цаутæй ирддæртæй иу уыд историк, паддзахадон Эрмитажы генералон директор Михаил Пиотровскийы гом равдыст.
Ныртæккæ республикæ цæуынц Эрмитажы бонтæ. Адæмы размæ рахастой Алайнаг паддзахады 5 реликвийы. Равæрдтой сæ национ музейы. Эрмитажы бонтæ ахæсдзысты 27-æм сентябрьмæ. Экспозици фенын у алкæйы бон дæр. Республикæйы цæрджытæ æмæ уазджытæ Аланийы аргъуыды мин сæдæ азы бæрæгбон бахъуыды кæндзысты мидисджын лекцитæй, ирд равдыстытæй æмæ цымыдисаг культурон-рухстауæн мадзæлттæй.
