Финалмæ рацыдысты районты къæпхæнты уæлахиздзаутæ
Республикæйы скодтой хатдзæгтæ, Цæгат Ирыстоны сæргълæууæджы фыццаг кубок рамбулыны турнирæн баскетболæй æмæ волейболæй. Архайдтой дзы скъоладзаутæ. Финалмæ рацыдысты районты къæпхæнты уæлахиздзаутæ. Хуыздæр суæвыныл ерыс кодтой лæппуты 10 командæйы æмæ 8 та чызджыты. Волейболæй уæлахидзау сси Дзæуджыхъæуы 11-æм скъолайы чызджыты командæ, лæппуты *хсæн та – Змейкæйы скъолайы иугонд къорд. Баскетболæй чызджыты *хсæн фыццæгтæ систы Беслæны 6-æм скъолайы ахуырдзаутæ, лæппуты хсæн та – Дзæуджыхъæуы 44-æм скъолайы æвзонг спортсментæ. Турнир арæзт æрцыд спорты, стæй ахуырады æмæ наукæйы министрадты æххуысæй. Уæлахиздзаутæн саккаг кодтой кубоктæ, майдантæ æмæ æхцайы призтæ. Йæ ахадгæ архайды тыххæй Сергей Меняйло схорзæхджын кодта Советон Цæдисы спорты мастер, республикæйы сæргълæууæджы æхсæнадон уынаффæгæнæг Гæззаты Юрийы.
