Æхæсæндон кусджытæ скъолатыл скодтой радон рейд.
Республикæйы скъолатæм цы хойраг ласынц, уый хæрзхъæддзинадмæ цæстдарын у Æппæтуæрæсеон адæмон фронты минæвæртты фыццаградон хæстæй иу. Æхæсæндон кусджытæ скъолатыл скодтой радон рейд. Хатдзæгтæм гæсгæ цалдæр скъоламæ æрхастой фиппаинæгтæ. Специалисттæ сæ арвыстой дзуапдæттæг куыстуæттæм. Ахæм цæстдарæн мадзæлттæ фæцæуынц рæстæгæй-рæстæгмæ. Сæ ахадгæ куысты фæрцы, иуварсгонд æрцыдысты бирæ лыггæнинаг фарстатæ. Æхсæнадон кусджытимæ рейды архайдта не сфæлдыстадон къорд дæр, æмæ бæлвырддæр хабæрттæ радзурдзæн Томайты Батраз.
Дзæуджыхъæуы скъоладзаутæн æрвылбон сæ райсомы æмæ сæ сихоры хæрд у бæлвырд фæткмæ гæсгæ. Хæнкъæлтæ, котлеттæ, дзул нæлхæимæ æмæ цай. Сывæллæтты хойраг хъуамæ уа хæрзхъæд æмæ тæвд. Фæлæ ныййарджытæ куыд зæгъынц, афтæмæй алкæд афтæ нæ вæййы. Дзæуджыхъæуы 45-æм скъолайы хæринагæй ифтонг кæнынц 429 адæймаджы, æртæ фæлтæрæй.
Æхсæнады минæвæртты радон объект сси горæты 3-æм скъола. Хæринаггæнæн блокы кусы 5 адæймаджы. Лæггад кæнынц 560 адæймагæн, уыдон та сты 4 фæлтæры. Директоры ныхæстæм гæсгæ, ам цæттæ сты, хойраджы хæрзхъæддзинадæй разы чи нæу, уыцы ныййарджытимæ фембæлынмæ.
Æппæтуæрæсеон адæмон фронты минæвæртты инспекцийы хатдзæгтæм гæсгæ, Дзæуджыхъæуы хойраджы комбинатмæ хаст æрцæудзæн курдиат 3-æм æмæ 45-æм скъолаты хæринаггæнæн блокты кусджыты нымæц фæфылдæр, стæй хойраджы номхыгъд фæуæрæхдæр кæныны тыххæй.
Республикæйы скъолатæм цы хойраг ласынц, уый хæрзхъæддзинадмæ цæстдарын у Æппæтуæрæсеон адæмон фронты минæвæртты фыццаградон хæстæй иу.
