Уый тыххæй аппаратон æмбырды фехъусын кодта ахуырады æмæ наукæйы министр Алыбегты Эллæ
Республикæйы скъолаты кусы 100 профилон къласæй фылдæр. Уый тыххæй аппаратон æмбырды фехъусын кодта ахуырады æмæ наукæйы министр Алыбегты Эллæ. Инженерон, медицинон, гуманитарон, слестгæнæн комитеты кадетон кълæстæ. Ацы аз ма Беслæны байгом кæндзысты сывæллæтты 2 рæвдауæндоны æмæ кванториум. Республикæйы сæргълæууæг бабар кодта, бындурон цалцæджы куыстытæ 2 азмæ цы скъолаты нысангонд ис, уыдонмæ лæмбынæг цæст дарын. Ахадгæ цæттæгæнæн куыст цæуы æвзæрстытæм. 8-æм сентябры æппæт æвзарæн хайæдтæм баласдзысты бюллетеньтæ. Сергей Меняйло ма бафыста транзитон уæзласæн транспорты цыд снывыл кæныны тыххæй бардзырд. Электрон рад арæзт кæй æрцыд, уый фæрцы уæрæсейаг-гуырдзиаг арæны раз машинæты бæрц фæкъаддæр. Шофырты уæдонцойæн сараздзысты рæстæгмæ лæвар лæууæнтæ.
Фæлхасадмæ цæстдарды управленийы специалистты бæрæггæнæнтæм гæсгæ, короновирусы ног инфекцийæ рынчынты нымæц дарддæр фылдæр кæны. Уыимæ САРС КОВИД 2-йы штамм 2 хатты сабырдæр парахат кæнын райдыдта. 98 проценты низ вæййы рог хуызы. Æнæниздзинадхъахъхъæнынады министрады фехъусын кодтой туаггуыры станцæты архайды тыххæй. 3 дзы ныридæгæн кусынц. Цыппæрæм цæттæ кæнынц Мæздæджы. Пъланмæ гæсгæ скусдзæн ацы къуыри.
