Ууыл æрдзырдтой Хицауады æмбырды
Республикæйы социалон экономикон къабазы зыны хуыздæрырдæм ивддзинæдтæ. Ууыл æрдзырдтой Хицауады æмбырды. Экономикон рæзты министры хæдивæг Олег Быкадоров куыд загъта, афтæмæй иу адæймаджы рæстæмбис куысты мызд ивгъуыд азы бæрæггæнæнтæм гæсгæ фæфылдæр 12 проценты. Промышленнон продукцийы бæрц фæфылдæр 26 проценты, хъæууон хæдзарады къабазы куысты бæрц та – 6 проценты онг. Санкциты рæстæг республикæйы не руагътой товарты дефицит. Уымæй уæлдай, Сæргълæууæджы уынаффæмæ гæсгæ, уæлдæфон маршрутты нымæц кæны фылдæр. Уый та баст у мидтуризмы райрæзтимæ. Æмбырды ныхас цыди ахуырады фарстатыл дæр. Цæгат Ирыстоны дарддæр цæуы скъолаты цалцæг, ифтонг сæ кæнынц нырыккон кусæнгæрзтæй. 2 азмæ базылдысты 66 объектæй фылдæрмæ. Афтæмæй иттæг хорз уавæртæ сарæзтой 30 мин ахуырдзауæн. 2026-æм азмæ ног кусæнгрæзтæ балхæндзысты 35 цалцæггонд ахуыргæнæндонæн. Уыцы хъуыддæгтæн дихгонд æрцыди 3 сæдæ милуан сомы бæрц.
