филиал вгтрк государственная телерадиовещательная компания “Алания”

Республикæйы цæуы Уæрæсейы национ гвардийы Цæгат Кавказы федералон зылды æфсæдты чемпионат дзюдойæ. Ерыстæ цæуынц дыууæ боны. Архайынц дзы территориалон управлениты æмæ æфсæддон хæйтты командæтæ. Æдæппæтæй 16 командæйы. Уыдон та сты 95 дзюдоисты. Се хсæн – спорты мастертæ, стæй спорты мастертæм кандидаттæ. Командæтæ адих кодтой 2 къордыл. Зæгъдзыстæм ма уый дæр, æмæ ацы ерыстæ сты, национ гвардийы æфсæдты федералон чемпионатмæ æвзарæн къæпхæн. Уæрæсейы чемпионат арæзт æрцæудзæн Челябинскы апрелы астæу. Уым уæлахиздзау суæвыныл архайдзысты нæ бæстæйы æппæт зылдты æфсæддон институттæ. Цæгат Кавказы федералон зылды кад та хъахъхъæндзысты ацы ерысты тыхджындæр спортсментæ.