Цæгат Ирыстон бабæрæг кодтой Красноярскы паддзахадон æмæ муниципалон разамынды институты специалисттæ
Республикæйы цæуынц бынæттон хиуыффæйады бонтæ. Цæгат Ирыстон бабæрæг кодтой Красноярскы паддзахадон æмæ муниципалон разамынды институты специалисттæ. Стыр аргъ скодтой нæ республикæйы муниципалон скондты Советы куыстæн. Ахæм æмгуыстад фыццаг хатт нæу. 2020-æм азы кæрон горæты зылды муниципалон скондты юридикон управлениты специалисттæ ахуыртæ ацыдысты онлайн – форматы хуызы. Ацы хатт æмгуыстад уыди комкоммæ. Ацы бонты Краснойрскæй уазджытæ фембæлдысты республикæйы Сæргълæууæджы хæстæ рæстæгмæ æххæстгæнæг Сергей Меняйлоимæ. Æрныхас кодтой регионы бынæттон хиуынаффæйады системæйы рæзтыл, стæй фидæны æмгуыстады гæнæнтыл. Бафыстой бадзырд, æмæ гæнæн ис, æмгуыстад адарддæр кæндзысты ацы сæрды. Специалистты дæсныйад фæуæлдæр кæныны ахæм хуыз республикæйы муниципалитетты кусджыты зæрдæмæ тынг фæцыдис.
