Алы кары тыхджындæр фехтовальщицæтæн ныртæккæ тренировкæтæ цæуынц Цæгат Ирыстоны
Олимпаг чемпионкæтæ Санаты Аидæ æмæ Евгения Ламонова сæ дæсныйады фæлтæрддзинадæй фæхайджын кодтой Курскы облæстæй спортсменкæты. Алы кары тыхджындæр фехтовальщицæтæн ныртæккæ тренировкæтæ цæуынц Цæгат Ирыстоны. Уыдоны архайынц нæ республикæйы спортсменкæтæ дæр. Нырыккон рухсгæнæнтæ, спортивон инвентарь æмæ æмбæлгæ уавæртæ фадат дæттынц сæ тренировкæтæ ахадгæйæ æрвитынæн. Чызджытæ сæхи цæттæ кæнынц ерыстæм рапирæйæ хæцынæй. Уымæй дарддæр сæ фæлтæрддзинадыл æфтауынц, Годжиаты Владимиры номарæн æппæтуæрæсеон турнирмæ цæттæ кæнгæйæ. 2023-æм азы Цæгат Ирыстоны нысан кæнынц Уæрæсейы чемпионат суазæг кæнын. Ныр та уал æвзонг спортсменкæтæм разæй æнхъæлмæ кæсынц ивддзинæдтæ. Культурон программæ æххæст кæнгæйæ, абалц кæндзысты хæхтæм. Уым базонгæ уыдзысты Ирыстоны æрдзы рæсугъддзинæдтимæ æмæ историон хæзнатимæ.
